Gwasanaethau

Rydym yn cefnogi busnesau, prifysgolion, a’r sector cyhoeddus ledled Cymru i wella arloesedd cydweithredol a datblygu endidau mwy entrepreneuraidd. Rydym yn cynorthwyo ardaloedd a rhanbarthau i greu ecosystemau arloesi ac yn gweithredu strategaethau newydd i hybu twf economaidd.

Gweithio gyda phrifysgolion

Rydym yn gweithio gyda phrifysgolion i'w helpu i ddatblygu eu rôl wrth gyfrannu at dwf economaidd rhanbarthol a chenedlaethol trwy ymchwil gymhwysol ac arloesi. Gall ein harbenigwyr ddarparu arbenigedd a hyfforddiant, cwblhau astudiaethau dichonoldeb, a datblygu strategaethau a chynlluniau twf gyda phrifysgolion i gyflawni ymchwil sy'n arwain y byd a chryfhau eu safle mewn ecosystemau arloesi.

Rydym yn gwella gallu ymchwil, datblygu ac arloesi prifysgolion ac yn cefnogi prifysgolion i hyrwyddo ymchwil tra'n cryfhau'r diwylliant o arloesi a chyfnewid gwybodaeth. Rydym yn arbenigwyr mewn cefnogi ymgysylltiad prifysgol-diwydiant, masnacheiddio ymchwil, trosglwyddo gwybodaeth a throsoli cyllid a buddsoddiad i hyrwyddo prifysgolion. Mae ein harbenigwyr wedi helpu prifysgolion i drosoli gwerth miliynau o bunnoedd o gyllid ar gyfer ymchwil gydweithredol i gael effaith ac wedi sicrhau buddsoddiad cyfalaf ar gyfer seilwaith ymchwil o safon fyd-eang.

Gall ein tîm ymroddedig o wyddonwyr ac ymchwilwyr hefyd gefnogi ymchwil ar y cyd rhwng prifysgolion a phartneriaid diwydiant. Mae ein tîm ar gael i weithio ar brosiectau, gan gynnal ymchwil arloesol i gynhyrchu syniadau newydd a darganfod mewnwelediadau newydd ar draws ystod o ddisgyblaethau yn y Gwyddorau Ffisegol, Gwyddorau Bywyd, a Gwyddorau Daear. Rydym yn ymroddedig i gefnogi prifysgolion ac academyddion Cymru i hyrwyddo dyfodol sefydliadau addysg uwch a'u heffaith ar gymdeithas.

Rydym yn gweithio mewn partneriaeth â’r sector cyhoeddus i ddatblygu a chyflwyno rhaglenni busnes i ysgogi arloesedd a chynhyrchu twf economaidd. Mae ein tîm o arbenigwyr wedi cyflwyno nifer o raglenni cenedlaethol, rhanbarthol a lleol sydd wedi ennill gwobrau, gan gynnwys gweithio gyda Llywodraeth Cymru i ddatblygu a chyflwyno rhaglen SBRI Cymru, sicrhau a datblygu Cronfa Her Prifddinas-Ranbarth Caerdydd gwerth £10m a darparu Partneriaethau Arloesi cenedlaethol a chyflymwyr ar ran Llywodraeth Cymru ac Innovate UK.

Gweithio gyda'r sector cyhoeddus

Rydym yn bartneriaid dibynadwy yn y gwaith o ddarparu rhaglenni twf busnes a ariennir ac mae ein tîm o arbenigwyr wrth law i ddylunio a chyflwyno rhaglenni arloesol sy'n cefnogi heriau'r sector cyhoeddus ac yn hyrwyddo twf busnes.